Naaresto na ang apat na suspek sa pagpaslang kay barangay bagong silangang chairwoman Crisell “Beng” Beltran sa Quezon City.
Kasamang naaresto ang limang hinihinalang kasabwat dahil naman sa illegal possession of firearms.
Iprinesenta ng Quezon City Police District ang siyam sa isang press conference sa Camp Karingal kaninang alas onse.
Enero 29 nang tambangan ng mga suspek na lulan ng tatlong motorsiklo si Beltran at driver nito habang sakay ng Ford Everest sports utility vehicle sa JP Rizal street malapit sa Filinvest 2.
Magugunitang nag-alok ang Quezon City government ng 5 million pesos para sa ika-aaresto ng mga pumatay kay Beltran na isa sa mga kandidato sa pagka-kongresista ng ikalawang distrito ng lungsod.
