Prayoridad na mabigyan ng Ivermectin ang mga senior citizen na may sakit ng coronavirus disease 2019 (COVID-19).
Ito ang ipinabatid ni Anakalusugan Rep. Mike Defensor sa DWIZ kung saan, uunahin aniya ang mga senior citizen at isusunod naman ang mga nagpalistang may sakit na COVID-19.
Uunahin namin ‘yung mga senior citizen na may sakit, hopefully isusunod natin ang mga may sakit… may sakit na COVID,” ani Defensor sa panayam ng Serbisyong Lubos sa 882.
Inaayos pa rin aniya ang ilang distribution point upang maihatid ito ng maayos sa mga nangangailangan.
Nilinaw naman ni Defensor na ang kanilang ipinapamahagi na Ivermectin ay para sa tao at hindi sa hayop. —sa panulat ni Rashid Locsin
