Muling nadagdagan ang bilang ng mga kumpirmadong kaso ng coronavirus disease 2019 (COVID-19) sa hanay ng pambansang pulisya.
Batay sa huling datos, pumalo na sa kabuuang 373 ang bilang ng mga nagpositibo sa nakamamatay na virus.
Sa naturang bilang, mayroon nang 208 na kapulisan ang nakarekober sa COVID-19, habang nasa 5 na ang nasawi rito.
Bukod pa rito, tumaas din ang bilang ng mga probable case ng COVID-19 sa bilang na 716 at suspected cases naman sa bilang na 760.
Samantala, pinayuhan naman ng pamunuan ng PNP ang mga tauhan nito na nakaranas o makakaranas ng sintomas ng virus na makipag-ugnayan sa health service nito.
