Isang Pulis ang patay habang walo ang sugatan makaraang mapasabak sa engkuwentro sa Sitio Banban, Brgy. Nicolas sa bayan ng Magsaysay, lalawigan ng Occidental Mindoro.
Ayon sa ulat ng Magsaysay Police Station na nakarating sa kampo Crame, nangyari ang engkuwentro alas 10 y medya kaninang umaga sa nabanggit na lugar.
Maliban sa nasawi at mga sugatang Pulis, may 2 iba pang alagad ng batas ang napaulat na nawawala.
Batay naman sa impormasyon mula kay MIMAROPA PNP Spokesperson P/LtC. Imelda Tolentino, mga hinihinalang NPA ang nakasagupa ng mga Pulis.
Kaya naman agad inalerto ng Magsaysay Police Station ang mga kasamahan nito sa karatig bayan para bantayan at tugisin ang mga hinihinalang rebelde.
