Umakyat na sa 10,129 ang kabuuang bilang ng mga Filipinong nasa ibang bansa na tinamaan ng coronavirus disease 2019 (COVID-19).
Ito ay matapos maitala ng Department of Foreign Affairs (DFA) ang 12 bagong kaso ng mga nahawaang Overseas Filipino.
Ayon sa DFA, nadagdagan naman ng 42 ang bilang ng mga filipinong nasa ibang bansa na nakarekober mula sa COVID-19 na mayroon nang kabuuang bilang na 6,323.
Habang umakyat naman sa 763 ang bilang ng mga Overseas Filipino na namatay sa COVID -19 matapos madagdagan ng limang bagong nasawi.
Samantala, nasa 3,043 pa ang patuloy na ginagamot.
