Pino-proseso na ng Overseas Workers Welfare Administration (OWWA) ang pagpapauwi sa probinsya ng may 2,500 OFW’s na nakatapos na ng quarantine at nagnegatibo sa coronavirus disease 2019 (COVID-19).
Ayon kay OWWA Administrator Hans Cacdac, karagdagan ito sa may 43,000 OFW’s na napauwi na nila mula noong May 15.
Sa ngayon aniya ay mayroon pang 3,500 OFW’s na nananatili sa mga quarantine facilities dito sa Metro Manila.
Sinabi ni Cacdac na 16,000 OFW’s ang nakatakdang dumating ngayong buwan subalit ang mga ito ay posibleng ilapag na sa provincial airports.
