Ikinagalak ng Department of Interior and Local Government (DILG) ang pagbabalik loob sa pamahalaan ng mga dating miyembro ng New People’s Army (NPA) sa Calabarzon.
Sa pangunguna sa demilatarisasyon ni DILG Secretary Eduardo Año sa 21 armas na isinuko ng mga rebelde sa Region IV-A, sinabi nito na malaking bagay ang ginawang pagtalikod ng mga dating rebelde sa NPA at pagsuko sa pamahalaan.
Ani Año, ibig sabihin nito ay muling nagpapasakop at kumikilala na ang mga ito ng batas.
Kasabay nito, pinapurihan din ng kalihim ang mga regional officials sa patuloy na pagsisikap para maging matapos na ang local communist armed conflict.
Simula nuong Hulyo 2016 hanggang Nobyembre 2019 umabot na sa 2,882 ang mga rebeldeng nagbalik loob sa pamahalaan.
