Patay na nang matagpuan ang tatlo sa 12 North Korean fishermen na nawawala matapos lumubog ang kanilang bangka sa karagatang sakop ng Japan.
Ayon sa Japanese Coastguard ang mga nasabing labi ay natagpuan sa hilagang kanluran ng Noto Peninsula sa Ishikawa Prefecture.
Patuloy pang hinahanap ng mga otoridad sa Japan ang siyam pang nawawalang mangingisda matapos maunang masagip ang tatlong iba pa.
Samantala apat pang labi ang natagpuan ng Japanese Authorities mula sa isa pang bangkang lumubog.
Naniniwala silang ang mga naturang biktima ay pawang North Korean nationals.
