Sumampa na sa 4 ang bilang ng nasawi sa flashfloods at landslides sa northern at central Luzon bunsod ng walang tigil na ulan dulot ng habagat.
Kinilala ang mga nasawi na sina RJ Orteras, 6 na buwang gulang na biktima ng landslide sa barangay Catungi, Bolinao, Pangasinan;
Romeo Sunong, 13-anyos, residente ng Zambales; Herminigildo Tacla, 61-anyos ng Ilocos Sur na kapwa nalunod at Henry Libo-on, na inatake sa puso habang hinahampas ng malalaking alon ang kanilang cargo vessel na sumadsad sa Ilocos Sur.
Tinaya naman ng National Disaster Risk Reduction and Management Council (NDRRMC) sa 22,000 katao ang apektado habang nasa 3,500 iba pa ang nagsilikas partikular sa Pangasinan at Zambales.
By Drew Nacino
