Binalaan ng Department of Transportation ang mga namemeke ng lisensya ng mga piloto at aircraft maintenance technician.
Kasunod ito ng pagkakaaresto ng isang indibidwal na nameke ng lisensya ng mga piloto, na dapat ang Civil Aviation Authority of the Philippines ang nag-iisyu nito.
Sa panayam ng DWIZ, sinabi ni Transportation Secretary Vince Dizon, na pananagutin nila ang mga lalabag sa batas lalo na’t kaligtasan at seguridad ng mga pasahero at manggagawang panghimpapawid ang nakataya rito.
Dahil dito, nakikipag-ugnayan na ang D.O.T.R sa CAAP at Civil Aeronautics Board upang matiyak na mabantayang maigi ang mga gumagawa ng pekeng lisensya ng mga piloto.
