Pumalo na sa kabuuang 177 na mga indibidwal ang naaresto ng mga awtoridad mula sa Philippine National Police (PNP)-Joint Task Force COVID Shield dahil sa paggamit ng mga pekeng dokumento gaya ng swab test results at travel authority.
Ayon kay JTF COVID-19 Shield Commander, Lt. General Cesar Binag, may naitala silang 63 na mga violations sa buong bansa dahil sa naturang paglabag.
Nasa 27 naman sa mga nahuling indibidwal, ay napag-alamang gumagamit ng pekeng swab test, dalawa ang gumagamit ng pekeng IATF ID, at iba pa.
Kasunod nito, nagpaalala si Binag sa publiko na sumunod sa mga umiiral na health protocols at gumamit lang ng mga lehitimong dokumento gaya ng mga travel documents.