Hinikayat ni Metropolitan Manila Development Authority (MMDA) acting Chairman Carlo Dimayuga, III, ang kanilang mga tauhan na ipagpatuloy ang pagsusuot ng facemask laban sa COVID-19 kahit pa ito ay opsiyonal nang ipinatutupad sa mga pampublikong lugar.
Kasunod ito ng Executive Order No. 3 na pinirmahan ni Pangulong Ferdinand “Bongbong” Marcos Junior kaugnay sa opsiyonal na pagsusuot ng facemask sa open at outdoor places.
Ayon kay Dimayuga, ang pagsusuot ng facemask ang nagsisilbing proteksyon ng isang indibidwal laban sa COVID-19 at iba pang virus.
Bukod pa diyan, sinabi din ni Dimayuga na malaking tulong ito maging ang patuloy na pagsunod sa health protocols para labanan ang polusyon sa bansa.
