Mas makabubuting ang mga miyembro ng gabinete ang sumagot sa issue sa halip na si Pangulong Rodrigo Duterte.
Ito ang inihayag ni Senador JV Ejercito sa gitna ng paglagpak ng satisfaction at trust rating ng Pangulo.
Ayon kay Ejercito, isa sa mga nakikita niyang rason ng pagsadsad ng rating ng Pangulo ang posibleng pagka-inip ng publiko sa pinangakong infrastructure projects ng Duterte administration.
Aminado ang Senador na kahit siya ay nababagalan sa implementasyon ng mga proyekto at ilang mga kailangang reporma.
Iginiit ng mambabatas na sadyang mahirap maipagpatuloy ang mataas na rating lalo’t napakataas ng naging expectation ng publiko sa punong ehekutibo.
