Patuloy ang dagsa ng mga mamimili sa Divisoria, Maynila upang maghanap ng mga murang i-pang-re-regalo sa Pasko.
Kabilang sa mga patok ang mga coffee mug na nasa 50 pesos lamang; tuwalya na naglalaro sa 15 hanggang 35 pesos depende sa laki; clip fan, na nasa 150 pesos at stuffed toy na 75 pesos ang kada piraso.
Pinayuhan naman ng mga vendor ang mga mamimili na agahan ang pagbili upang makaiwas sa siksikan sa Disyembre.
Samantala, inabisuhan ng Manila Police District ang mga magtutungo sa Divisoria na iwasan ng magbitbit ng mga mamahaling cellphone, alahas at malaking halaga ng pera upang hindi mabiktima ng mga kawatan.