Mananahimik na lamang din ang mga madre sa mga pahayag ni incoming President Rodrigo Duterte laban sa simbahang Katolika.
Ayon kay Sister Mary John Mananzan ng Benedictine Order, gaya ng naunang pahayag ni CBCP President at Ligayen-Dagupan Archbishop Socrates Villages ay paiiralin niya ang katahimikan tulad ng “pananahimik ni Kristo sa kaarogantehan ni Pilato.”
Si Mananzan ay isang priory councilor ng Missionary Benedictine Order sa maynila at director of institute for women’s studies ng Saint Scholastica’s College.
Magugunitang graduate si Duterte sa San Beda College of Law na pnangangasiwaan ng Benedictine Order.
Gayunman, aminado si Mananzan na nakalulungkot na maraming nais banggain si mayor Digong kaya’t sa halip na magtanim ng galit ay dapat ipagdasal na lamang ng publiko ang susunod na Pangulo.
By: Drew Nacino
