Ilan pang lugar sa bayan ng Juban, Sorsogon ang natabunan din ng mga abo matapos ang panibagong phreatic eruption ng bulkang Bulusan
Ayon sa Sorsogon Provincial Information Office, halos lahat na ng barangay sa Juban ay apektado ng ash fall, kabilang ang ilang mga karatig-bayan ng Irosin, Casiguran at Magallanes.
Pinayuhan naman ang mga motorista na mag-ingat o hangga’t maaari ay iwasan munang bumiyahe o dumaan sa mga apektadong lugar.
Pinag-iingat din ang mga residente o umiwas sa pagdaan sa maharlika highway dahil nabalot ito ng mga abo matapos ang 18 minutong pagbubuga ng bulkan kahapon ng madaling araw.
Nananatili ang Alert level 1 sa Bulusan volcano simula nang nauna nitong phreatic eruption noong Hunyo 5.
