Bumaba na lamang sa 71 ang bilang ng mga lugar sa Metro Manila ang nakapailalim sa granular lockdown bunsod ng COVID-19.
Ayon sa Philippine National Police o PNP, mula sa nabanggit na bilang ay 34 sa mga ito ay mga kabahayan, 1 ang residential building floor, 20 ang residential building at 11 ang subdivision.
Nagmula ito sa 46 na barangay sa may 6 na lungsod at bayan sa National Capital Region o NCR.
Kasalukuyang nakakalat pa rin ang may 194 na pulis katuwang ang 187 force multipliers para tiyaking nasusunod pa rin ang minimum public health at safety standards kontra COVID-19.—ulat mula kay Jaymark Dagala (Patrol 9)
