Binantaan ng Commission on Elections ang mga kandidato sa Barangay at Sangguniang Kabataan elections na gumagamit ng mga kilalang karakter sa pelikula sa kanilang pangangampanya.
Kasunod ito ng mga lumabas na posters ng mga tumatakbong barangay officials na gumamit ng imahe mula sa blockbuster movie na ‘Avengers: Infinity War.’
Ayon kay Comelec Spokesman Director James Jimenez, maaring kasuhan ng “copyright infringement” ang mga gumagamit sa mga imahe ng naturang superhero film kung may maghahain ng reklamo laban sa kanila.
Dagdag pa ni Jimenez, ginagawang ‘stupido’ ng mga kandidato ang mga botante dahil sa paniniwalang kung sino ang may pinakapatok na poster ay iyon ang makakakuha ng pinakamaraming boto.
