Maaari nang madaanan ang mga kalsada sa bayan ng Banaue, Ifugao matapos ang nangyaring mudslide dahil malakas na pag-ulan bunsod ng Southwest Monsoon noong nakaraang linggo.
Ayon kay Regional Director Jovi Ganongan ng Department of Tourism – Cordillera Administrative Region (DOT- CAR), patuloy pa rin ang clearing operation ng Department of Public Works and Highways (DPWH) pero puwede na aniyang daanan ang mga kalsada rito.
Batay sa inisyal na report, may 55 turista sa Banaue nang mangyari ang insidente pero lahat ng mga ito ay ligtas nang nakaalis sa lugar.
Hinihintay naman aniya nila ang abiso ng lokal na pamahalaan para magpapasok ng bisita sa lalawigan.
Matatandaang noong biyernes nang inanunsyo ni tourism secretary Christina Frasco ang pansamantalang pagsuspinde sa pagbibiyahe at tourism activities sa Banaue dahil sa isinasagawang clearing operation.
