Nananatiling bukas ang mga gate ng Ipo, Ambuklao at Binga Dam bilang paghahanda na rin sa pag-ulang idudulot pa ng habagat.
Ayon sa PAGASA, nasa .15 meters ang bukas na gate ng Ipo dam dahil malapit na itong pumalo sa normal high water level na 101 meter.
Apat na gates naman ang nakabukas sa Ambuklao Dam sa Benguet na halos wala nang isang metro para maabot ang 752 meter na normal high water level.
Samantala apat na gates din ng Binga Dam ang nakabukas dahil sa napipintong pag abot nito sa normal high water level na 575 meters.
Una nang inihayag ng PAGASA na mararamdaman pa rin ang habagat sa ilang bahagi ng bansa ngayong araw na ito.
