Hinimok ng Teachers’ Dignity Coalition (TDC) ang mga estudyante at guro na magsuot pa rin ng face mask bilang proteksyon laban sa COVID-19.
Sa panayam ng DWIZ, sinabi ni TDC National Chairperson Benjo Basas na nariyan pa rin ang banta ng virus.
Gayunman, nasa mga mag-aaral, magulang at guro ang pasya kung gagamit pa rin ng face mask.
Matatandaang pinyagan ng Department of Education ang boluntaryong pagsusuot ng face mask sa mga silid-aralan sa pagsisimula ng full implementation ng face-to-face classes.
Sinabi pa ni Basas na mainam ang nasabing hakbang upang maiparamdam sa publiko na unti-unti nang bumabalik sa normal ang bansa ngunit hindi pa rin aniya dapat maging kampante ang publiko.
