Manatiling disiplinado at sundin ang mga ipinatutupad na mga health protocols kasabay ng paggunita sa Undas.
Ito ang naging paalala ni senator Christopher Bong Go sa publiko kaugnay ng kanilang pagdalaw ngayon sa puntod ng kanilang mahal sa buhay.
Dagdag ni Senator Go, kahit pagkakataon ito para magtipon-tipon ang buong pamilya, dapat pa ring isaalang-alang na may COVID-19 pa rin.
Aniya, dapat sundin pa rin ang pagsusuot ng face mask sa mga matataong lugar sa kabila ng pagluluwag sa face mask mandate.
Partikular na inirerekomenda ng senador ang pagsusuot pa rin ng face mask sa mga matatanda, gaya ng may comorbidities, immunocompromised, buntis, hindi pa bakunado at symptomatic na indibidwal.
