Inalis na ng Manila Metro Rail Transit System Line 3 (MRT-3) management ang mga barriers sa loob ng bawat istasyon ng tren.
Kabilang sa inalis ang mga ginagamit na tali at poste sa pila ng bawat istasyon ng tren.
Ginawa na ding dalawa ang pila sa bawat bagon na dati ay isahang pila lang.
Ito ay dahil sa patuloy na pagbaba ng bilang ng mga tinatamaan ng kaso ng Corona Virus disease sa bansa at sa ilalim narin ng pananatili ng alert level 3 sa Metro Manila simula ngayong araw na tatagal hanggang sa November 14.
Bukod pa dito, matatandaan din na inaprubahan na ng Pandemic Task Force ang rekomendasyon ng Transport Department na payagan ang pagdagdag ng bilang ng mga pasahero sa mga pampublikong sasakyan kabilang na ang MRT, jeep at bus.
Sa tulong ng pagdagdag ng kapasidad sa loob ng MRT-3, hindi na matatagalan pa ang mga pasahero sa kanilang biyahe papasok sa kanilang mga trabaho at pauwi sa kanilang mga bahay dahil sa mahabang pila.—sa panulat ni Angelica Doctolero
