Maaari pa ring mag-donate ng dugo ang mga indibidwal na bakunado na laban sa COVID-19.
Binigyang diin ng Philippine Red Cross blood services na ang lahat ng bakuna na availabl sa bansa ay ligtas kaya hinihikayat ang publiko na mag-donate ng dugo.
Ayon pa sa PRC blood services, ang mga nakakaranas ng mild vaccine-related symptoms, gaya ng muscle ache o pananakit sa bahagi ng tinurukan, ay inabisuhan na mag-donate ng dugo pitong araw matapos na mawala ang naturang sintomas.
Habang ang mga nakaranas naman ng vaccine-related symptoms tulad ng lagnat, rashes, generalized muscle ache o joint pain, pamamaga ng lymph nodes, at iba pang systemic symptoms, ay maaaring mag-donate matapos ang 14 na araw na pagkawala ng sintomas.—sa panulat ni Hyacinth Ludivico