Natanggap na ng Pilipinas ang nasa limanglibong (5,000) kalashnikov o ak rifles, mahigit isang milyong bala at dalawampung army trucks mula Russia.
Inihatid ang mga nasabing military equipment ng tatlong russian naval vessels na nakadaong sa Port of Manila bilang donasyon.
Tiniyak ni Rear Adm. Eduard Mikhailov, deputy commander ng Pacific Fleet Flotilla ng Russian navy na gagawin nila ang lahat ng kanilang makakaya upang mapatatag ang ugnayan ng Russia at Pilipinas sa aspeto ng seguridad at depensa.
Nataon ang port call ng tatlong Russian warships sa pagdating ni Russian Defense Minister Sergei Shoigu sa susunod na linggo upang dumalo sa isang regional defense meeting kasama ang kanyang US counterpart na si Secretary Jim Mattis.
Inaasahang lalagda rin ang Pilipinas at Russia ng isang security deal para sa military logistics sa susunod na linggo.
