Pinataob ng Meralco Bolts ang San Miguel Beermen sa score na 93-87 sa kanilang laro sa 2021 PBA Philippine Cup na ginanap sa Ynares Sports Arena sa Pasig City.
Si Chris Newsome ang bumida sa panig ng Bolts matapos kumamada ng 17 points habang nagdagdag naman si Aaron Black ng 14 points.
Dahil dito, naitala ng Meralco ang ikalawang panalo sa kasalukuyang torneo kasunod ng ginawa nitong pagdurog sa Northport Batang Pier sa kanilang season-opener noong Biyernes.
