Isiniwalat ni Sharon Cuneta na ikinukunsidera na niya ang pagreretiro sa mundo ng showbiz.
Sa Instagram account ng Megastar, ibinahagi nito ang isang pahina ng libro na “The stories we tell,” na akda ni Joanna Gaines, kung saan nakalahad dito ang pagiging ‘grateful’ sa lahat ng bagay na mayroon siya ngunit inamin nitong nakakaramdam siya ng pagod sa kanyang mga ginagawa.
Paliwanag ng aktres, 56 years old na siya at nais na lamang niyang makasama ang kaniyang pamilya at alagaan ang mga ito.
Nabatid na 44 na taon na sa industriya si Sharon bilang isang hitmaker, host at aktres.
Samantala, pinasalamatan naman ni Sharon ang kanyang fans at hiniling na ipanalangin siya ng mga ito.
