Dumating na sa Albay ang puwersa ng Philippine Coast Guard o PCG na tutulong sa mga residenteng apektado ng patuloy na pag-aalburuto ng bulkang Mayon.
Ayon kay Captain Armand Balilo, tagapagsalita ng PCG, bibigyang ayuda ng kanilang medical at rescue team ang nasa mahigit 70,000 mga inilikas sa mga evacuation centers.
Mamamahagi din ang pcg ng mga gamot at ‘face mask’ na kailangan ngayon ng mga evacuees dahil sa maya’t maya na pagbubuga ng abo ng bulkan.
Maliban dito, nakahanda na rin ang ilang ‘hospital ship’ ng PCG sakaling kailanganin ito sa oras na tuluyan nang pumutok ang bulkang Mayon.
(Ulat ni Aya Yupangco)
