Patuloy pa rin ang pagbubuga ng lava at abo ng Bulkang Mayon.
Muling naitala ang ‘lava fountaining’ sa Bulkang Mayon dakong 10:00 ng gabi ng Huwebes, Enero 25, na tumagal nang halos labing limang (15) minuto.
Apat (4) na oras lamang ang pagitan nito sa naunang lava fountaining na may taas na dalawang daang (200) metro dakong 6:00 naman ng gabi, habang umabot naman sa 1.3 kilometro ang ash plume.
Sa ngayon ay nananatili pa rin sa alert level 4 status ang Bulkang Mayon.
Samantala, sumampa nasa mahigit 76,000 mga aresidente ang inilikas dahil sa patuloy na pag-aalburuto ng Bulkang Mayon.
Ayon sa Albay Provincial Disaster Risk Reduction and Management Office, galing ang mga nasabing residente sa mga bayan ng Sto. Domingo, Camalig, Guinubatan, Ligao at maging sa Legazpi City.
Nananatili pa rin sa walong (8) kilometro mula sa paanan ng Bulkang Mayon ang danger zone habang siyam (9) na kilometro naman ang extended danger zone.
