Huhupa na anumang oras ang baha sa ilang bahagi ng France dahil stable na ang Seine River makaraan ang buong linggo ng matinding pagbaha.
Ayon ito kay French Prime Minister Manuel Valls.
Aniya, Apat ang nasawi at libu-libo ang lumikas sa France dahil sa matinding pagbahang nagpataas din ng mahigit anim na metro sa Seine River kahapon ng umaga.
Bukod sa mga tao, inilikas din ang ilang artwork sa mga museo ng Louvre at Orsay.
Ayon sa hydrologist na si Bruno Jamet, isang linggo pa ang bibilangin bago bumalik sa normal ang level ng Seine River.
By: Avee Devierte
