Inabswelto ng Sandiganbayan si Masbate Governor Antonio Kho may kaugnayan sa fertilizer fund scam.
Ito’y matapos ibasura ng first division ng anti-graft court ang dalawang counts ng graft laban kay Kho.
Nakasaad sa desisyon ng Sandiganbayan na nilabag ang constitutional right ni Kho at ng iba pang respondents para sa agarang imbestigasyon dahil inabot ng mahigit limang taon ang Ombudsman para desisyunan ang kaso.
Bukod sa Gobernador ng Masbate, ibinasura rin ng sandiganbayan ang kasong katiwalian laban kina Roger Rapsing (dating Provincial Administrator at Bids and Awards Committee Chairman) at Victoria Ajero (area manager ng Hexaphil Agriventures Inc.).
By: Meann Tanbio
