Muling bubuksan sa publiko ang Manila Bay dolomite beach sa June 12, kasabay ng pagdiriwang ng 124th Independence Day.
Ayon sa Department of Environment and Natural Resources (DENR) acting secretary Jim Sampulna, isa ito sa magandang legasiya ng administrasyong Duterte kaya’t tinarget nilang mabuksan ito bago matapos ang termino ni Pangulong Rodrigo Duterte.
Sa oras na muling buksan sa publiko, sinabi ng DENR na papayagang makapasok sa 500-meter span ng dolomite beach ang 1,500 hanggang 3,500 katao upang matiyak na masusunod ang minimum health protocols.
Sa ilalim ng Alert level 1, hindi na kinakailangan ang online pre-registration upang makabisita sa nasabing man-made beach, ngunit sinabi ni Manila Bay Coordinating Office Executive director Jacob Meimban ang publiko na mainam na fully vaccinated na ang mga bibisita dito.
