Nais siguraduhin ng Malacañang ang seguridad at ang kaayusan sa gitna ng nangyayaring krisis sa Iglesia ni Cristo (INC).
Ayon kay Presidential Communications Secretary Sonny Coloma, ito ang dahilan kung bakit nag-deploy na ng kanilang mga kawani ang QC Police District at ang anti-kidnapping group sa lugar.
Ipinaliwanag ni Coloma na nais tiyakin ng Palasyo na kahit walang senyales ng kidnapping o kaya ng hostage taking ay kanila pa din nais matiyak na magiging ligtas ang lahat ng taong may kinalaman sa nangyayaring krisis sa simbahan.
Binigyang diin ni Coloma na ang sigalot sa INC, ay bunsod lamang ng hindi pagkakaunawaan sa liderato nito.
By Katrina Valle | Aileen Taliping (Patrol 23)
