Umabot na sa mahigit 1,000 aftershocks ang naitala ng PHIVOLCS matapos ang magnitude 7 na lindol sa Northern Luzon.
Sa datos ng PHIVOLCS hanggang kaninang alas-5:00 ng madaling araw, nasa 1,055 na ang naiulat na lindol sa lugar.
Gayunman, mahina lamang o aabot sa magnitude 1.5 at 5.0 ang naitala.
Muling nagpaalala ang PHIVOLCS sa mga residente ng Abra na manatiling alerto dahil posibleng makaranas ng aftershocks sa mga susunod na araw o linggo.
Matatandaang yumanig ang magnitude 7 na lindol sa Lagangilang, Abra dakong alas-8:43 ng umaga noong Miyerkules na naramdaman hanggang Metro Manila at iba pang bahagi ng Luzon.
