Inihayag ni Civil Service Commission (CSC) commissioner Aileen Lizada, na aabot sa mahigit 100K posisyon ang nananatiling bakante sa gobyerno.
Ito ay kasunod ng pahayag ng pamahalaan hinggil sa Rightsizing upang makabuo ng Placement Committees ang mga ahensya ng gobyerno na makapagbibigay ng safety nets para sa mga empleyado at para makatipid ng aabot sa halos P15-B na ilalaan sa mga Social Welfare Programs.
Ayon kay Lizada, mas mabuti kung ang mga bakanteng posisyon na lamang ang silipin at buwagin kaysa maghire pa ng mga empleyadong contract of service at job order.
Sinabi pa ni Lizada na malaking tulong ito upang mapunan ang mga naiwang bakanteng posisyon sa gobyerno.
