Posibleng dumating sa bansa bukas o sa Huwebes ang magkapatid na dating Palawan Governor Joel Reyes at dating Coron Mayor Mario Reyes.
Ipinabatid ito ni Justice Secretary Leila de Lima matapos nilang hilingin ang pagpapabilis sa deportation ng Reyes brothers mula sa Thailand kung saan nahuli ang mga ito dahil sa pagiging overstaying.
Sinabi ni de Lima na ang Philippine National Police (PNP) sa tulong ng international police ang susundo sa magkapatid na Reyes sa Thailand.
Pagdating sa bansa, inihayag ni de Lima na pansamantalang ikukulong sa NBI ang Reyes brothers habang hinihintay ang commitment order mula sa korte sa Palawan.
Ang Reyes brothers ay akusado sa pagpaslang kay enviromentalist Broadcaster Dr. Gerry Ortega noong 2011.
By Judith Larino
