Inalmahan ng isang kongresista ang magarbo umanong Christmas party sa Kamara noong Miyerkules ng gabi.
Ito’y bunsod ng naglalakihang cash prizes, mamahaling appliances at trip to Europe na napanalunan ng ilang mambabatas.
Ang mga premyo ay pawang donasyon mula rin mismo sa mga kongresista kabilang ang isang milyong pisong ibinigay ni Davao del Norte Representative Tony Boy Floreindo at kalahating milyong piso mula kay House Speaker Pantaleon Alvarez.
Ayon kay Albay Representative Edcel Lagman, kalabisan na ang engrandeng Christmas party noong Miyerkules kumpara sa mas simpleng pagdiriwang noong mga nakalipas na taon.
Aminado si Lagman na hindi na niya ninanis magsalita noong gabing iyon bilang respeto sa pagkakaisa at pagdiriwang ng kanyang mga kapwa mambabatas.
Bagaman nanalo si Lagman ng 250,000 pesos, ipina-raffle din niya ito sa Christmas party na inorganisa ng Opposition Bloc para naman sa mga miyembro ng media, kagabi.
By Drew Nacino
