Nanawagan ang ilang telecommunications company na pabilisin ang rollout ng National Identification System kasabay ng pagsasabatas ng Sim Card Registration Act.
Ayon kay Globe Telecom General Counsel Froilan Castelo, suportado nila ang Sim Card Registration Act at handa sa pagtulong sa pamahalaan sa pagbalangkas ng implementing rules and regulations (IRR).
Gayunman, iginiit ni Castelo na mababalewala ang layunin ng Sim Card Registration kung gagamitin ang kahit anong ID para magrehistro.
Ganito rin ang sentimyento ng DITO Telecommunity habang wala pang komento ang PLDT-Smart Communications Incorporated. —sa panulat ni Jenn Patrolla
