Asahan parin na makakaranas ng maaliwalas na panahon sa umaga hanggang tanghali ang Metro Manila at sa nalalabing bahagi pa ng Luzon pero may posibilidad na mga panandaliang pagbuhos ng ulan dahil parin sa mga localized thunder storm.
Wala namang nakikitang malawakang pag-ulan kaya asahan na magiging fair weather condition sa bahagi ng Visayas at Mindanao.
Nagpaalala naman sa publiko ang PAGASA na maging handa sa posibleng panandaliang pagbuhos ng ulan sa hapon at gabi.
Agwat ng temperatura sa Metro Manila ay maglalaro sa 24°C hanggang 33°C habang sisikat naman ang haring araw mamayang 5:40 ng umaga at lulubog naman ito mamayang 6:10 ng hapon. — sa panulat ni Angelica Doctolero
