Sugatan ang isang Lumad refugee sa Davao City matapos saksakin ng 2 lalaki habang hinarass naman umano ng riding-in-tandem ang mga guro na nagtuturo sa mga Manobo sa lungsod.
Sinasabing pabalik na si Butchoy Tumagsa sa Haran Mission House ng United Church of Christ in the Philippines nang abangan ng mga suspek at sinaksak ng ice pick.
Ayon kay Jong Monzon, Secretary General ng Pasaka Lumad Organization, maswerteng hindi napuruhan si Tumagsa.
Bago ang pananaksak kay Tumagsa, sinabi ni Monzon na hinaras naman umano ng riding-in-tandem ang mga volunteer teachers habang nagkaklase sa evacuation camp.
Iniimbestigahan na umano ng mga otoridad ang mga naturang insidente.
By Jelbert Perdez
