Balik-normal na ngayong araw na ito ang biyahe ng mga tren ng LRT at MRT matapos masuspinde kahapon dahil sa pananalasa ng Bagyong Rolly.
Ayon sa Light Rail Manila Corporation, natapos na ang paglilinis sa mga riles kaya’t nakapagresume sa tamang oras ang biyahe ng LRT-1 na ang unang tren ay lumarga na kaninang alas-4:30 kaninang madaling araw.
Nagpatuloy naman ng biyahe, alas-6 kaninang umaga, ang MRT-3 kung saan 17 tren nito ang operational.
UPDATE: MRT-3, balik-operasyon na ngayong araw, November 2, 2020, matapos suspindihin ang biyahe nito kahapon dahil kay Bagong #RollyPH | via @dotrmrt3 https://t.co/c4lozkgSvS
— DWIZ Newscenter (@dwiz882) November 2, 2020
Balik-biyahe na rin ang limang tren ng LRT-2, alas-5 ng madaling araw.
#LRTL2Updates LRT 2 resumes normal operations today, November 2, 2020.
— LRT2 (@OfficialLRTA) November 1, 2020