Sinabi ni League of Provinces of the Philippines (LPP) President at Marinduque Governor Presbitero Velasco Jr. na bukas sila sa paglalabas ng mga ordinansa para sa mandatoryong pagbabakuna laban sa COVID-19.
Aniya, kasama sa Local Government Code ang General Welfare Clause na nagpapahintulot sa mga Local Government Units (LGUs) na magpasa ng mga ordinansa para sa kapakanan ng kanilang mga nasasakupan.
Ginawa ni Velasco ang pahayag matapos na imungkahi ni Health Secretary Francisco Duque, III na gamitin ang kapangyarihan ng LGUs na gumawa ng nasabing ordinansa habang wala pang batas na naipapatupad sa bansa.
Samantala, sinabi niya na ang pagbibigay ng cash bonuses sa mga bakunadong empleyado ay nasa pagpapasya ng mga LGU. —sa panulat ni Airiam Sancho
