Plano ni Defense Secretary Delfin Lorenzana na dalhin sa ASEAN defense ministers meeting ang sinapit ng 22 mangingisdang Pinoy na binangga ng Chinese vessel sa Recto Bank.
Sinabi ni Lorenzana na maaaring pag usapan nila ng kaniyang counterpart mula sa Vietnam at iba pang claimant countries sa West Philippine Sea ang insidente sa Recto Bank.
Ang ASEAN defense ministers meeting ay gagawin sa Bangkok, Thailand sa susunod na buwan.
(with report from Aya Yupangco)
Hindi kasama sa agenda sa isinagawang AFP PNP Joint Command Conference ang isyu ng Recto Bank Incident.
Sinabi ni Defense Secretary Delfin Lorenzana na sumentro ang command conference sa pyramiding at financial scam ng Kapa Ministry gayundin sa development sa Sangley Airport sa Cavite.
Bukod dito, ipinabatid ni Lorenzana na tinutukan sa naturang conference ang usapin sa military at police operations, update sa kampanya ng pamahalaan para tuldukan ang insurgency pati na ang army capability upgrade.
