Simple ang paliwanag ng aktres na si Liza Soberano kung bakit nananatili siyang nasa tabi ng ka-loveteam na si Enrique Gil sa kabila ng mga kontrobersyang kinasangkutan nito parikular na ang insidente ng pagkalasing at pambabastos sa kay Jesse Mendiola.
Ayon kay Soberano, kilala niya ang tunay na Enrique Gil.
Binigyang diin ni Liza na sila ang magkasama ni Enrique araw -araw at alam niya ang tunay na nangyari sa naturang gulo.
Lubos naman ang pasasalamat ni Soberano sa kanilang mga fan na nagpapahayag ng suporta sa kanilang dalawa lalo na sa mga panahong kailangang-kailangan ito ni Enrique.
Sa huli, tiniyak ni Liza na mananatili siyang nasa tabi ni Enrique lalo na sa mga panahong malungkot aniya ang aktor.
By Ralph Obina
