“Parang kami na pero, I mean, siyempre you have to respect her family first.”
Ito ang tahasang sagot ng aktor na si Enrique Gil nang tanungin sa isang interview kung ano na nga ba ang real score sa kanila ng on screen partner na si Liza Soberano.
Nitong Huwebes lamang ay nakatanggap ng isang flyboard set si Gil na isang late birthday gift mula sa dalaga na nagkakahalaga ng $3,000.
“Kasi mahilig nga siya sa beach, tapos sabi ko what is something fun to do at the beach. Siyempre ayoko na bigyan siya ng something that he already has– like a bunch of inflatables,” sabi ni Liza.
Idinagdag rin ni Soberano na special sa kanya si Gil at ito na aniya ang oras para siya naman ang magbigay ng sorpresa dito.
Matatandaang, isa si Enrique Gil sa punong abala sa naging 18th birthday celebration ni Liza kamakailan.
Binigyang linaw naman ni Liza ang mga espekulasyong na-‘friendzoned’ lang si Gil dahil madalas ay tawagin niya itong best friend.
Giit ni Liza, hindi naman ibig sabihin na kapag tinawag mong best friend ang isang tao ay na-‘friendzoned’ na ito, aniya puwede namang magsimula ang lahat sa pagiging magkaibigan.
Sa panig naman ni Liza ay ayaw pa nitong bigyan ng label ang relasyon nila sa kasalukuyan ni Enrique.
Aniya, hinihintay pa nila ang approval ng kanyang mga magulang pero parents aside aniya ay ‘okay’ na sa kanyang magkaroon ng romantic relationship sa ka-loveteam.
Photos: Screengrab from Instagram / Liza Soberano and Enrique Gil
