Hawak na ng Department of Health (DOH) ang listahan ng mga laboratoryo sa bansa na nalalabas ng mga pekeng COVID-19 RT-PCR o swab tests.
Ito ang inihayag ni DOH Spokesperson Usec. Ma. Rosario Vergeire, kasunod ng pagpopositibo sa COVID-19 ng tatlong turista na nakalusot sa isla ng Boracay matapos silang magpresinta ng pekeng COVID-19 test.
Subalit sinabi ni Vergeire sa laging handa public briefing na hindi muna nila maaaring isapubliko sa ngayon ang nasabing listahan dahil nagpapatuloy pa ang ginagawa nilang imbestigasyon.
Una nang nagpalabas ng abiso ang DOH sa publiko hinggil sa kung paano maiiwasan ang mga naglipanang unlicensed laboratories na naglalabas ng pekeng COVID-19 test results.
