Pinaalalahanan ng Philippine National Police (PNP) ang mga public utility vehicle driver sa umiiral na limitadong seating capacity na bilang bahagi ng health protocols ngayong may COVID-19 pandemic.
Ito, ayon kay PNP Chief, Gen. Dionardo Carlos, ay bunsod ng pagbawi sa “no vaccine, no ride policy” sa ilalim ng COVID alert level 2 sa NCR at iba pang lugar.
Patuloy anya nilang babantayan ang pagsunod ng mga PUV sa limited capacity sa gitna ng inaasahangpagdami ng tao sa mga pampublikong lugar.
Umapela naman si Carlos sa publiko na huwag maging kampante sa kabila ng muling pagluluwag ng restrictions dahil hindi pa nawawala ang banta ng COVID-19. —sa panulat ni Mara Valle
