Inihayag ng Commission on Higher Education (CHED) na posibleng umpisahan ang limited face to face classes sa ilang unibersidad at kolehiyo sa susunod na buwan.
Sa laging handa briefing, sinabi ni CHED Chairperson Prospero De Vera III, nakipagpulong siya sa mahigit 200 Higher Education Institutions na nasa ilalim ng Alert level 3 upang pag-usapan ang In- person classes.
Aniya, marami sa mga ito ang sumang ayon na sa Pebrero magbukas muli ng limited face to face.
Habang ang iba aniya ay magbubukas muna ng online classes at ililipat na lamang sa limited face to face classes sakaling nakontrol na ang COVID-19 situation sa ilang lugar.
