Bumagsak sa kamay ng Quezon City PNP ang notorious na lider ng Khadaffy Crime Group.
Ang grupo ay sangkot sa iba’t ibang klase ng krimen tulad ng robbery holdup, pagtutulak ng illegal drugs, carnapping at gun for hire.
Kinilala ang arestadong lider ng grupo na si Jonathan Fernandez samantalang arestado rin ang isa nitong tauhan na si Anastacio Sta. Cruz.
Napag-alaman kay Senior Inspector Paterno Domondon, team lider ng District Special Operation Unit ng QCPD na kakalaya pa lamang nina Fernandez at Sta. Cruz ngayong buwan matapos makulong sa kasong robbery holdup.
Sinabi ni Damondon na agad silang nagsagawa ng operasyon matapos makatanggap ng intel report na muling bumuo ng bagong grupo si Fernandez at sumabak na rin sa negosyo ng illegal drugs , carnapping at gun for hire.
By Len Aguirre | Report from Jopel Pelenio (Patrol 17)
