May ibibigay na aguinaldo ang pamunuan ng South Luzon Expressway, Star Tollways at Sky Way sa mga motorista ngayong Kapaskuhan.
Ito’y dahil sa magpapatupad sila ng libreng toll sa mga nabanggit na lansangan bilang pasasalamat sa mga tagatangkilik nilang motorista.
Magsisimula ang libreng toll mula alas-10:00 ng gabi ng Disyembre 24, bisperas ng Pasko hanggang ala-6:00 ng umaga kinabukasan, araw ng Pasko.
Masusundan pa ito sa kaparehong oras sa Disyembre 31, bisperas ng Bagong Taon hanggang sa mismong araw ng Bagong Taon, Enero 1 ng susunod na taon.
Payo naman ng pamunuan ng Skyway sa mga motorista, planuhing maigi ang kanilang mga biyahe lalo’t asahan na ang pagdagsa ng mga motoristang lalabas at papasok sa Metro Manila.
By Jaymark Dagala
